Ein bussjåfør blei slått ned på Lyngbø i Bergen i 20-tida måndag kveld. Bussen han førte stod ved eit busstopp på Sotraveien vest for Damsgårdstunnelen då det skjedde. Politiet blei varsla av passasjerar på bussen. Ein mann i 30-åra blei pågripen då politiet kom til staden, men blei dimittert etter avhøyr. Politiet opprettar sak etter hendinga. Bussjåføren fekk mindre skadar og fekk tilsyn av lege, melder Vest politidistrikt.