Det tyske flyselskapet Lufthansa er i medvind, og planlegg å tilsette ytterlegare 8000 i løpet av året.
Lufthansa har allereie tilsett 6000 nye medarbeidarar i år, men er no på utkikk etter alt frå teknikarar og dataekspertar til flygarar og advokatar.
Under koronapandemien miste nesten 40.000 tilsette i Lufthansa jobben, men no aukar flytrafikken kraftig. Det same gjer selskapet sitt behov for tilsette.
Lufthansa hadde ved utgangen av mars 112.400 tilsette verda over. (NTB)