Ein dansk mann i 30-åra blei treft av lyn på Finnmarksvidda nordvest for Iešjávri.
Mannen blei henta med redningshelikopter, og er frakta til sjukehuset i Hammerfest med helikopter.
– Han er bevisst og er etter forholda i god form, skriv politiet i Finnmark på Twitter.
Mannen var åleine på sykkeltur og kontakta politiet sjølv, opplyser operasjonsleiar Bjørn Tormod Syversen til iFinnmark.
– Han var aleine på tur med sykkel, og det var han sjølv som ringde politiet. Han var eit godt stykke inne på vidda, så han hadde nok vore på tur i nokon dagar, seier Syversen til avisa.
– På grunn av torebyene tok det litt tid før helikopteret kom seg ut, seier Syversen.
Iešjávri er den største innsjøen i Finnmark og ligg i kommunane Alta, Kautokeino og Karasjok.